CANLLAW I DDEFNYDDWYR

Mae Patrwm yn llwyfan rhannu data ar gyfer trefi clyfar a lleoedd clyfar ar hyd a lled Cymru. Mae’n casglu data yn ddiogel o WiFi cyhoeddus a’r Rhyngrwyd Pethau a Synwyryddion Data eraill. Yna mae’n anonymeiddio ac yn trefnu’r data hwn a’i gyflwyno’n weledol mewn fformatau hawdd eu deall, gan gynnwys graffiau a siartiau bar yn barod i chi eu defnyddio.

Rydym yn cefnogi ac yn rhannu’r metrigau canlynol ar hyn o bryd:

• Hyd yr Ymweliad (nifer amcangyfrifedig y dyfeisiau sydd wedi bod yn yr ardal y mae'r rhwydwaith WiFi yn ei gwmpasu am fwy na 5 munud, wedi'i ddadansoddi'n amseroedd aros)
• Nifer Ymwelwyr (nifer amcangyfrifedig y dyfeisiau sydd wedi bod yn yr ardal y mae'r rhwydwaith WiFi yn ei gwmpasu am fwy na 5 munud – wedi'i ddadansoddi yn ôl amser y dydd i'r slot 5 munud agosaf)
• Cyfrif Pobl sy'n Pasio Heibio (cyfanswm nifer y dyfeisiau sy'n cael eu cyfri - does dim isafswm hyd ymweliad) mae hwn wedi'i ddadansoddi yn ôl amser y dydd, h.y. os ydych chi'n chwyddo i mewn i 13:00 bydd y graff yn dangos yr holl ddyfeisiau a gyfrwyd gan Batrwm o fewn ardal y WiFi am yr amser hwnnw o'r dydd - does dim isafswm cyfnod aros - bydd hwn yn cyfrif dyfeisiau mewn ceir sy'n pasio drwy ardal y rhwydwaith WiFi yn ogystal â cherddwyr.
• Tymheredd
• Lleithder
• Lefelau Gronynnol
• Cyfeintiau Trafnidiaeth - gan ddefnyddio microseismology

Mae Patrwm yn cyflwyno pob metrig ar ei gerdyn ei hun, h.y. y map sy’n arddangos map ardal y rhwydwaith neu’r ymweliadau y dydd. Gellir newid yr ystod dyddiadau drwy ddewis y calendr ar waelod chwith y cerdyn neu newid yr ystod dyddiad ar gyfer pob Panel drwy ddewis yr eicon calendr ar ochr dde uchaf y dudalen (yn y bar teitl glas).

Gallwch newid yr iaith o’r Gymraeg i’r Saesneg drwy ddewis CY neu EN ar ochr dde uchaf y bar teitl.

Creu eich golwg custom eich hun

Crëwch eich golwg custom eich hun allan o ddata Patrwm. Dewiswch yr eicon plws glas mawr ar y dde isaf eich sgrin. Mae hyn yn eich galluogi chi i ddewis lleoliadau gwahanol a metrigau gwahanol. Y tro nesaf y byddwch chi'n ymweld â'r cais ar y ddyfais bydd yn dangos golwg custom wedi'i ddiweddaru yn seiliedig ar eich dewis diwethaf. Cymharwch wahanol leoedd dros yr un metrig, h.y. grŵp oedran a rhyw neu adeiladwch olwg fanwl o un lle yn unig.

Bydd dewis y panel newydd + wedyn yn gofyn i chi gadarnhau pa fath o fetrig rydych chi'n chwilio amdano. Ydych chi eisiau deall mwy am ymwelwyr sydd wedi mewngofnodi i'r rhwydwaith ac wedi llenwi'r holiadur? Dewiswch defnyddwyr WiFi. Ydych chi eisiau dysgu am niferoedd ymwelwyr, h.y. nifer y bobl? Yna mae angen i chi ddewis Ymwelwyr. Os ydych chi eisiau edrych ar data synhwyrydd, h.y. gronynnau, traffig, yna dewiswch darlleniadau synhwyryddion.

Pan fyddwch chi'n dewis y + byddwch chi'n cael eich gofyn am ba le smart rydych chi eisiau cael gwybod mwy amdano. Dewiswch y Lle o'r rhestr (gallwch chi ddewis llefydd smart eraill ar ôl i chi gwblhau'r dewis hwn - dim ond dewiswch bob lle trwy wirio'r eicon crwn yn y golofn chwith). Unwaith y byddwch chi wedi dewis eich lle(oedd) smart, ewch i'r eicon + yn y bar teitl du (dde uchaf y dudalen).

Unwaith y byddwch chi wedi dewis y lle(oedd) rydych chi eisiau dysgu mwy amdanynt, byddwch chi'n cael eich cyflwyno gyda'r metrigau sydd wedi'u grwpio o dan y math metrig. Yn achos Ymwelwyr, byddwch chi'n cael eich cyflwyno gyda Hyd yr Ymweliad, Cyfrif Ymwelwyr a Chyfrif Pobl sy'n Pasio Heibio. Dewiswch pa fetrigau yr hoffech chi eu gweld (nodwch gydag rhai metrigau efallai y bydd angen i chi ddewis ystod ddyddiadau fer, h.y. wythnos, yn hytrach na mis, gan y gallai fod gormod o oedi wrth ddychwelyd setiau data mwy).

Yn achos defnyddwyr Wi-Fi (ymwelwyr sydd wedi mewngofnodi i'r rhwydwaith yn y lle smart hwnnw), byddwch chi'n cael eich cyflwyno gyda: Pwyntiau Mynediad (yr ardal y mae'r rhwydwaith yn ei gwmpasu a lleoliad y synwyryddion/pwyntiau mynediad), Grŵp Oedran, Rhyw a Grŵp Oedran, Rhyw, Ardal Cod Post Cartref, Dewis Iaith, Defnyddwyr Newydd a rhai sy'n Dychwelyd a Diben yr Ymweliad. Dewiswch pa fetrigau yr hoffech chi eu gweld yn cael eu harddangos mewn paneli.

Mae rhai llefydd smart yn Patrwm wedi'u dadansoddi'n ardaloedd llai, h.y. pe bai gan dref chwarter gemwaith, yna mae Patrwm yn cefnogi creu'r hyn rydyn ni'n ei alw'n ardal leol (locality). Gall y pwyntiau mynediad sydd wedi'u lleoli yn y rhan hon o'r lle smart adrodd eu data nifer y bobl ar wahân i'r lle smart yn gyfan. Rydych chi hefyd yn gallu hidlo (filter) ar ba fath o dref gan ddefnyddio dosbarthiadau (classifications) y DU sy'n cael eu derbyn yn gyffredin fel: Math o Ganolfan Manwerthu - Gwyliau, Aml-swyddogaethol, Arbenigol neu Gymharu. Yn ogystal â gallu hidlo ar leoedd trwy'r ddewislen hidlo, gall defnyddwyr hefyd hidlo yn seiliedig ar y math o rwydwaith, h.y. Plasmacloud/Meraki, trwy ddewis Ymwelwyr ac yna dewis yr hidlydd o'r dde uchaf y bar teitl.

Os ydych chi eisiau gweld data synhwyrydd, yna dewiswch y darlleniadau synhwyryddion. Bydd hyn yn mynd â chi'n syth i'r synwyryddion sydd wedi'u hintegreiddio i patrwm ar hyn o bryd - gydag rhai metrigau efallai y bydd angen i chi ddewis ystod ddyddiadau fer, h.y. wythnos, yn hytrach na mis, gan y gallai fod gormod o oedi wrth ddychwelyd setiau data mwy.

Lawrlwytho a Rheoli'r Data

Gallwch lawrlwytho data crai drwy ddewis y teitl hambyrgyr (tair llinell lorweddol gyfochrog) ar ochr dde uchaf pob Panel. Mae’r data yn cael ei lawrlwytho fel ffeil CSV y gellir ei mewngludo yn rhwydd i daenlen neu gronfa ddata. Gallwch hefyd allgludo’r paneli fel graffeg i’w defnyddio mewn adroddiadau neu negeseuon e-bost.

Cliriwch y dudalen a dechrau o’r dechrau Drwy ddewis y ddewislen Hamburger ar ochr dde eithaf y bar teitl (mae'n edrych fel ei bod yn pwyso i'r dde).

I ychwanegu Panel dewiswch yr arwydd + glas ar waelod chwith y sgrin. Cyflwynir rhestr i chi o’r lleoliadau sydd gan Patrwm. Dewiswch y cylch glas wrth ymyl yr enw lle a bydd cwymplen yn ymddangos gyda’r holl opsiynau. Dewiswch yr opsiynau ac yna dewis ADD. I ychwanegu mwy o gardiau gallwch ddewis y + glas mawr ar waelod dde y sgrin.

I ddileu Panel dewiswch REMOVE ar waelod dde y Panel.

Os ydych chi eisiau aildrefnu cynllun y paneli ar y dudalen, y cyfan sydd raid i chi ei wneud yw symud eich cyrchwr i ben y cerdyn a llusgo i'r cyfeiriad rydych chi ei eisiau. Cofiwch fod angen bwlch h.y. llusgwch a gollyngwch pan fydd eich cyrchwr dros y bwlch rhwng y cardiau neu ymyl y dudalen.

Neu os ydych chi eisiau newid maint panel ar y dudalen - dewiswch y gornel dde isaf y panel (mae'n edrych fel bod ganddo blyg arno)

CASGLU DATA DRWY PORTH

Porth yw ein porth mewngofnodi dwyieithog diogel WiFi. Gofynnwn i ymwelwyr sy’n cofrestru i gael y WiFi am ddim ateb pum cwestiwn a bydd y wybodaeth hon yn cael ei chasglu a’i delweddu gan Patrwm.

O borth mewngofnodi WiFi Porth rydym yn casglu data ar gyfer pob tref glyfar neu le clyfar. Dyma’r pum cwestiwn y gofynnir i ddefnyddwyr WiFi eu hateb:

• Ystod oedran (e.e. 25-34)
• Rhywedd
• Diben yr ymweliad (dewis o restr)
• Dewis iaith (er mwyn i ni allu cyfathrebu gyda hwy yn eu dewis iaith, Cymraeg neu Saesneg)
• Ardal cod post cartref (e.e. LL57)
Ymwelwyr sy'n dychwelyd - cyfran yr ymwelwyr sy'n mewngofnodi fwy nag unwaith mewn cyfnod o 3 mis.

Rydym yn casglu cyfeiriad e-bost y defnyddiwr gyda chadarnhad eu bod yn derbyn y telerau ac amodau defnyddio a’u bod yn cydsynio i’w gwybodaeth bersonol gael ei phrosesu gan Menter Môn a’u partneriaid.

Yna rydym yn agregu’r data hwn ar gyfer pob diwrnod ac yn ei anfon o Porth i Patrwm i’w arddangos yn erbyn pob lleoliad. Mae’r holl ddata o Porth yn cael ei anonymeiddio cyn ei drosglwyddo i Patrwm.

Nid oes unrhyw wybodaeth bersonol sy’n ffurfio’r data agregedig.

CYFRIF NIFER YR YMWELWYR

Mae Patrwm yn defnyddio data sy’n cael ei gofnodi gan ein pwyntiau mynediad WiFi sydd wedi’u gosod ym mhob lle clyfar.

Mae pob dyfais symudol ddigidol, pan nad ydynt wedi’u cysylltu i rwydwaith WiFi, yn darlledu negeseuon arwahanol yn datgan eu dull adnabod unigryw (o’r enw cyfeiriad mac). Dyma sut mae eich dyfais yn cysylltu â’ch WiFi ar unwaith pan fyddwch yn cyrraedd adref. Mae eich dyfais yn dweud “Helo, fy enw yw XYZ123” pan fyddwch yn cyrraedd adref ac mae eich llwybrydd WiFi yn adnabod hyn ac yn cysylltu’r ddyfais yn gyflym.

Pan fyddwch allan o’r tŷ ac nad ydych wedi cysylltu dyma beth mae eich dyfais yn ei wneud. Rydym yn casglu’r rhifau hyn ac yna yn eu haposod drwy ddefnyddio proses o’r enw stwnsio a halltu - sy’n gwneud y broses yn un ddiogel ac sy’n sicrhau na all Patrwm ganfod y cyfeiriad mac gwreiddiol.

Ar ddiwedd y dydd, mae Patrwm yn cyfrifo am ba hyd yr oedd y ddyfais hon yn y rhwydwaith. Os bydd y dull adnabod sydd wedi’i stwnsio a’i halltu wedi aros yn rhwydwaith tref glyfar am 37 munud, yna byddwn yn ychwanegu hyn i’r cyfrif 30-60 munud.

Pan fyddwn wedi gorffen agregu’r cyfeiriadau sydd wedi’u stwnsio a’u halltu, bydd data y diwrnod hwnnw yn cael ei ddileu ac mae Patrwm yn cadw’r cyfansymiau/cyfrifiadau terfynol yn unig. Mae hyn yn ein helpu i sicrhau nad ydym yn cadw unrhyw ddata y gellir ystyried ei fod yn ddata personol am gyfnod hwy nag sydd angen er mwyn i ni ei brosesu. Nid ydym yn cadw unrhyw gopïau wrth gefn o’r data crai, wedi’i stwnsio a’i halltu. Dim ond y data agregedig sydd wedi’u brosesu a gedwir wrth gefn.

Mae Patrwm yn arddangos data y diwrnod blaenorol yn ôl i pryd y gosodwyd y rhwydwaith yn wreiddiol. Bydd data am ymwelwyr heddiw ar gael i’w weld fory.

Nid yw cyfrif nifer y dyfeisiau yr un fath â chyfrif nifer y bobl, ond mae’n ddangosydd da i helpu i ddeall patrymau gweithgarwch yn well mewn ardal dros amser ac yn ystod diwrnod.

Noder nad yw’r dadansoddiad rhywedd o reidrwydd yn cyfateb â’r data ar nifer yr ymwelwyr, ond gall ddarparu dangosiad da.

CASGLU DATA SYNWYRYDDION

Rydym yn trin data synwyryddion yn wahanol. Rydym yn ei gasglu’n aml h.y. mae data gronynnol yn cael ei fesur a’i drefnu mewn amser go iawn bob 20 eiliad. Rydym yn storio’r data hwn ar ei ffurf grai am 3 i 5 mlynedd.

Ar ddiwedd pob diwrnod rydym yn prosesu’r data synwyryddion ac yn rhesymoli sut y gellir delweddu hyn er mwyn i ddata synwyryddion o’r wythnos ddiwethaf arafu i tua bob 5 munud, yna bob awr. Mae’r data synwyryddion crai yn cael ei storio yn y cwmwl i’w ddefnyddio yn y dyfodol.

Mae ein synwyryddion fel arfer yn cael eu pweru gan fatris ac maent yn defnyddio rhwydwaith ardal eang ystod hir (LoRaWaN) i drosglwyddo data yn ddiogel yn ôl i Patrwm. Pan fydd y synwyryddion yn ffynhonnell agored, rydym bob amser yn ceisio dychwelyd eu data yn ôl i’r prosiect gwreiddiol hefyd yn ogystal â Patrwm. Bydd ein synwyryddion lefel gronynnol a sain bob amser yn dychwelyd y data i’r system o gymunedau synwyryddion yn ogystal â Patrwm.

Rydym yn gweithio yn awr i gefnogi ystod ehangach o synwyryddion, gan gynnwys:

• Seismonetrau
• Synwyryddion tywydd
• Synwyryddion lefel sain
• Synwyryddion parcio